ABŞ feminist hərəkatının ən nüfuzlu şəxslərindən biri, uzun illər ərzində gender bərabərliyi, qadınların mülki və reproduktiv hüquqları uğrunda çıxış edən Qloriya Staynem 92 yaşında vəfat edib.

“Qasid Media” “Reuters”ə istinadən xəbər verir ki, yazıçı, jurnalist və ictimai fəalın ölümü barədə onun fondu məlumat yayıb.

Staynem sentyabrın 2-də vəfat edib. Bu barədə məlumat fond tərəfindən ertəsi gün “Instagram”da dərc edilib. Ölümün səbəbi açıqlanmır.

1960-cı illərin sonlarından etibarən Staynem ABŞ-də feminist hərəkatının ən diqqətçəkən iştirakçılarından biri olub və bir neçə nəsil qadını ilhamlandırıb. O, abort, cinsi ayrıseçkilik, bərabər əməkhaqqı və məişət zorakılığı mövzularını qaldıran “Ms.” jurnalının həmtəsisçisi və redaksiya məsləhətçisi olub.