Yaponiyanın cənub-qərbində 5,1 bal gücündə zəlzələ qeydə alınıb.

“Qasid Media”  xəbər verir ki, bu barədə Yaponiya Meteorologiya Agentliyinə (JMA) istinadən məlumat yayılıb.

Bildirilib ki, yeraltı təkanların episentri Kyusyu adasında yerləşən Kumamoto prefekturası ərazisində olub. Zəlzələnin ocağı 10 kilometr dərinlikdə yerləşib və təkanların maksimal intensivliyi 4 bal təşkil edib.

Tsunami təhlükəsi elan olunmayıb. Zəlzələ nəticəsində xəsarət alanlar və dağıntılar barədə məlumat daxil olmayıb.