İspaniyanın “Barselona” klubunun hücumçusu Rafinya UEFA Çempionlar Liqasında vurduğu qolların sayına görə Kataloniya təmsilçisinin turnir tarixindəki ən yaxşı 5 bombardiri sırasına daxil olub.

“Qasid Media” xarici mediaya istinadən xəbər verir ki, o, bunu əsas mərhələnin I turunda “Feyenoord”a qarşı keçirilən matçda (5:1) dubl etməklə reallaşdırıb.

Hesabında 21 qol olan braziliyalı hücumçu bu göstərici ilə həmyerlisi Neymara çatıb.

Qeyd edək ki, siyahıda Rafinyanı Rivaldo (22 qol), Robert Levandovski (23), Luis Suares (25) və Lionel Messi (120) qabaqlayır.