Almaniyanın su sənayesi sahəsində fəaliyyət göstərən 300-dən çox şirkəti birgə Qazaxıstan-Almaniya su habının iştirakçısı ola bilər.

“Qasid Media” xəbər verir ki, bu barədə “24 KZ” Qazaxıstanın su ehtiyatları və irriqasiya nazirinin müavini Jandos Salımova istinadən məlumat yayıb.

Platforma texnologiya mübadiləsinə, rəqəmsal həllərin tətbiqinə və birgə layihələrin həyata keçirilməsinə töhfə verəcək.

Həmçinin tərəflər su təsərrüfatı infrastrukturunun modernləşdirilməsi və kənd təsərrüfatında sudan istifadənin səmərəliliyinin artırılması sahəsində əməkdaşlığı nəzərdən keçirirlər.

“Biz Almaniya ilə əməkdaşlığın gələcək inkişafında maraqlıyıq. Əminəm ki, bugünkü dialoq tərəfdaşlığımızın möhkəmləndirilməsi yolunda mühüm addım olacaq və su ehtiyatları sahəsində qarşılıqlı faydalı təşəbbüslərin həyata keçirilməsi üçün yeni imkanlar açacaq”, – o qeyd edib.