“İranın region ölkələri ilə münasibətləri yaxşılaşır”.

“Qasid Media” “Report”a istinadən xəbər verir ki, bu sözləri İran İslam Respublikasının Prezidenti Məsud Pezeşkian bəyan edib.

“Pakistan hazırda bizimlə səmimi şəkildə əməkdaşlıq edir. Əfqanıstan çox yaxşı əməkdaşlıq edir. Türkmənistanla da hər şey yaxşıdır. Əfqanıstan və Pakistan terrorçuların və separatçıların öz ərazilərindən ölkəmizə daxil olmasına imkan verməyiblər”, – deyə o əlavə edib.

Onun sözlərinə görə, müharibə zamanı Azərbaycan müxtəlif istiqamətlər üzrə İrana əhəmiyyətli dərəcədə kömək edib:

“Azərbaycan bütün yolları bağladı və bizim bankımızın fəaliyyətini dayandırdı. Biz onlara zəng edib danışdıq. İki saatlıq söhbətdən sonra onlar hər şeyi yenidən açdılar. Bank, səfirlik və marşrutlar – hər şey yenidən açıldı. Müharibə zamanı onlar müxtəlif istiqamətlər üzrə bizə əhəmiyyətli dərəcədə kömək edirdilər. İstər Rusiyaya tədarüklər, istərsə də öz tədarükləri olsun; onlar bizi müşayiət edir və ehtiyac duyduğumuz hər şeydə bizə kömək edirdilər”, – deyə o əlavə edib.