Türkiyədə “Ahbap” dərnəyi üçün toplanan vəsaitin şübhəlilərin bank hesablarına transfer edilməsi ilə bağlı aparılan araşdırma nəticəsində saxlanılan “Babala TV”nin qurucusu Oğuzhan Uğur həbs edilib.

“Qasid Media” bu barədə “TRT Haber”ə istinadən xəbər verir.

Məlumata görə, O. Uğur daxil, saxlanılan doqquz nəfər barəsində həbs qətimkan tədbiri seçilib. Bir nəfər isə polis nəzarəti altına verilib.

Xatırladaq ki, O. Uğur iyulun 17-də Türkiyənin məşhur müğənnisi Haluk Leventin sədri olduğu “Ahbap” dərnəyinə edilən ianələrin mənimsənilməsi ilə bağlı aparılan istintaq çərçivəsində saxlanılmışdı. H. Levent isə iyulun 16-da həbs edilmişdi.