İşğaldan azad edilmiş Cəbrayıl rayonu ərazisində açıq sahədə yanğın baş verib.

“Qasid Media” AZƏRTAC-a istinadən xəbər verir ki, hadisə rayonun Hasanlı, Maşanlı və Alıkeyxalı kəndləri istiqamətində müşahidə olunur.

Hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin texnikaları və canlı qüvvəsi cəlb edilib.

Hazırda yanğının söndürülməsi istiqamətində zəruri tədbirlər görülür.