Azərbaycan Ağırlıqqaldırma Federasiyasının (AAF) təlim-məşq bazasında federasiyanın növbəti “Antidopinq maarifləndirmə” seminarı keçirilib.

“Qasid Media” xəbər verir ki, federasiyadan verilən məlumata görə, AAF-ın baş həkimi Hüsniyyə Kərimovanın keçdiyi təlimdə yığmanın məşqçilər heyəti və idmançılar iştirak ediblər.

Seminar zamanı antidopinq sahəsində tətbiq olunan qaydalar, idmançıların hüquqları, nümunələrin götürülməsi və başqa məsələlərlə bağlı iştirakçılara geniş məlumat verilib. Daha sonra təlimçi tərəfindən məşqçi və idmançıların sualları cavablandırılıb.