ABŞ prezidentinin xüsusi elçisi Stiv Uitkoff və iş adamı Cared Kuşnerin Moskva və Kiyevdəki danışıqları sülhə doğru addımdır.

“Qasid Media”  Rusiya mediasına istinadən xəbər verir ki, bunu ölkə prezidentinin mətbuat katibi Dmitri Peskov bildirib.

“Şübhəsiz ki, az-çox effektiv olan istənilən cəhdlər sülhə doğru kiçik bir addımdır. Biz ABŞ nümayəndələrinin sülhməramlı səylərini həqiqətən də çox yüksək qiymətləndiririk”, – Peskov deyib.

Onun sözlərinə görə, Krem ABŞ nümayəndələrinin səfərinin yekunları üzrə Rusiya və ABŞ prezidentləri Vladimir Putinlə Donald Tramp arasında telefon danışığının baş tutması ehtimalını istisna etmir.