Avqustun 8-də Gənclər və İdman Nazirliyi, Azərbaycan Üzgüçülük Federasiyası və Bakı Şəhər Halqası Əməliyyat Şirkətinin birgə təşkilatçılığı ilə açıq suda ənənəvi kütləvi üzmə yarışı keçiriləcək.

“Qasid Media” xəbər verir ki, barədə nazirliyi məlumat yayıb.

Yarış Mingəçevir şəhərində, Kür çayının iki sahili arasında baş tutacaq.

Beşinci dəfə təşkil ediləcək turnirdə ölkənin bütün şəhər və rayonlarından üzmək bacarığına malik, 12 yaşdan yuxarı şəxslər iştirak edə bilərlər.

“Kürü keçək?! 5” yarışı 12-17, 18-23, 24-35, 36-55, 56-70 və 70+ yaş kateqoriyaları üzrə təşkil olunacaq.