İspaniya millisinin müdafiəçisi Mark Kukurelya futbol üzrə dünya çempionatındakı qələbədən sonra qoluna milli komandanın baş məşqçisi Luis de la Fuentenin üzü əks olunan döymə vurdurub.
“Qasid Media” xəbər verir ki, futbolçu müvafiq fotonu özünün “Instagram” səhifəsində paylaşıb.
“Vədə əməl olundu”, – oyunçu paylaşımda yazıb.
Döymə ağ-qara çalarlarda işlənib: Fuente başa çatmış turnirin loqosu fonunda Dünya Kubokunu əlində tutur. Futbolçu bu barədə planını əvvəl bildirmişdi.
Qeyd edək ki, iyulun 19-da futbol üzrə dünya çempionatının finalında İspaniya yığması Argentina millisi üzərində 1:0 hesabı ilə qələbə qazanaraq ikinci dəfə dünya çempionu olub.
2024-cü ildə keçirilən Avropa çempionatı zamanı müdafiəçi bildirmişdi ki, əgər İspaniya millisi turnirdə qalib gələrsə, saçlarını qırmızı rəngə boyayacaq. Finalda ingilislər üzərində qələbədən sonra o, verdiyi sözə əməl etdi.
