ABŞ-nin Yaxın Şərqdəki müttəfiqləri Vaşinqtonun onların təhlükəsizliyini təmin etmək imkanından məyus olublar.

“Qasid Media”nın məlumatına görə, bunu ABŞ-ın keçmiş dövlət katibi Entoni Blinken “Bloomberg”ə müsahibəsində bildirib.

“İranla münaqişənin gedişi regiondakı tərəfdaşlarımıza göstərir ki, söhbət onların müdafiəsindən gedəndə hər zaman bizə arxalana bilməzlər. Bunun nəticəsi nədir? Onlar Tehranla danışıqlarda maraqlıdırlar və bəlkə də Tehranla razılaşmalar əldə etmək istəyirlər.

Bizim vurduğumuz bütün zərbələrə baxmayaraq, onların arsenalında hələ də çoxlu silah var və onlar silah istehsalını davam etdirirlər. Bu vəziyyətdən yaxşı hərbi çıxış yolu yoxdur. Diplomatik yolla irəliləmək lazımdır”, – deyə keçmiş dövlət katibi vurğulayıb.