Moskva son 2 ilin ən kütləvi dron hücumuna məruz qalıb. Mer Sergey Sobyanin paytaxt istiqamətində 430-dan çox pilotsuz uçuş aparatının atıldığını bildirib. Dronların əksəriyyəti Rusiya hava hücumundan müdafiə qüvvələri tərəfindən zərərsizləşdirilib. Belqorod isə kütləvi raket hücumuna məruz qalıb. Bu barədə region qubernatorluğu məlumat yayıb. Mərmilərin əksəriyyəti vurulsa da, bəzi yerlərdə dağıntı və yanğınlar baş verib. Enerji infrastrukturu zədələnib. Elektrik və su təchizatında problemlər yaranıb. Bir nəfərin həlak olduğu, bir neçə sakinin yaralandığı bildirilir.