Qadın voleybolçular arasında Azərbaycan Superliqasında yeni mövsümə 2 oyunla start verilib.

“Qasid Media”nın məlumatına görə, I turda “Milli Aviasiya Akademiyası” “Gəncə” ilə, “Azərmaş Abşeron” isə “Naxçıvan”la üz-üzə gəlib.

Gənclər və İdman Nazirliyinin Voleybol Mərkəzində keçirilən “Azərmaş Abşeron” – “Naxçıvan” oyununda Naxçıvan təmsilçisi 3:0 (25:20, 25:13, 25:12) hesablı qələbə qazanıb.

“Milli Aviasiya Akademiyası” Voleybol Klubunun idman zalında gerçəkləşən “Milli Aviasiya Akademiyası” – “Gəncə” matçında isə ev sahibləri qalib gəliblər – 3:0 (25:22, 25:17, 25:19).