ABŞ Prezidenti Donald Tramp Rusiya-Ukrayna münaqişəsinin “tezliklə başa çatacağını” bəyan edib.

“Qasid Media” xəbər verir ki, o bu barədə Şimali Karolina ştatının Qastoniya şəhərində tərəfdarları ilə görüşdə deyib.

Trampın sözlərinə görə, Vaşinqton ölkədə dizel yanacağının qiymətinin artmasına səbəb olan Ukrayna münaqişəsini başa çatdırmaq üçün mühüm səylər göstərir.

“Biz Rusiya və Ukrayna (münaqişəni nizamlamaq məqsədi ilə) üçün çox ağır iş görürük… Bilirsiniz, mən səkkiz müharibəni başa çatdırmışam. Ən çətini isə Rusiya ilə Ukrayna arasındakı savaşdır, çünki liderlər bir-birinə nifrət edirlər. Lakin bu, tezliklə başa çatacaq”, – Amerika Prezidenti vurğulayıb.

O, həmçinin ABŞ və Meksikanın ticarət sazişi bağlamağa yaxın olduğunu açıqlayıb.

“Biz Meksika ilə sazişə, möhtəşəm bir razılaşmaya çox yaxınıq”, – Tramp əlavə edib.